Tuesday, 14 June 2016 01:38

අපේ ජගත් ඕස්ට්‍රේලියානු පාර්ලිමේන්තුවට

Written by 
Rate this item
(0 votes)

ඔස්ට්‍රේලියානු පාර්ලිමේන්තුවේ සෙනෙට් අසුනක් සඳහා තරඟ කිරීමට එරට කම්කරු පක්ෂයෙන් පළමු වරට ශ්‍රී ලාංකිකයෙකුට නාම යෝජනා හිමිව තිබේ. ඔස්ට්‍රේලියානු කම්කරු පක්ෂයේ නව දකුණු වේල්ස් ශාඛාව (NSW) වෙනුවෙන් එරට වෙසෙන ජගත් බණ්ඩාර මහතාට මෙලෙස නාම යෝජනා හිමිව ඇති බව වාර්තා වේ.‍

 

ඒ සම්බන්ධයෙන් ජගත් බණ්ඩාර මහතා ප්‍රකාශ කොට ඇත්තේ තමන් ඕස්ට්‍රේලියාවට පැමිණි දින සිට වැඩ කළ සෑම ක්ෂේත්‍රයකම ඉතාම උනන්දුවෙන් හා වෙහෙස මහන්සි වී සේවය කළ බව හා සාමූහිකව සහයෝගයෙන් කටයුතු කළ බවයි.

එසේම එරට අඩු ආදායම්ලාභී කම්කරු ජනයාගේ වෘත්තීමය ගෞරවය ආරක්ෂා කරනු පිණිස තමන් ඔවුන් වෙනුවෙන් හඬ නැඟූ බවත් ඔවුන්ගේ ඉල්ලීම අනුව තමන් මෙම මැතිවරණය වෙනුවෙන් ඉදිරිපත් වූ බවත් ඒ මහතා කියාසිටියේ ය.

ඕස්ට්‍රේලියාව රටක් ලෙස එරට වෙසෙන විවධ ජනවර්ගයන්ට සමාන ඉඩප්‍රස්ථා ලබාදෙන බවත් සාර්ථකත්වය අත්පත්කර ගැනීමට සමාජ ආර්ථික තත්ත්වයන් නිසි ලෙස ලබාදෙනු තමන් අත්දුටු බවත් ජගත් බණ්ඩාර මහතා ප්‍රකාශ කරයි.

එළඹෙන මැතිවරණයේ දී එරට වෙසෙන ලාංකේය ප්‍රජාව සැලකිලිමත්ව ඡන්දය භාවිතා කළ යුතු බවත් ඔස්ට්‍රේලියාවේ වෙසෙන ලාංකීය ප්‍රජාව එරට වෙසෙන හොඳම ප්‍රජාව ලෙස නම රැන්දිය යුතුව ඇති බවත් කම්කරු පක්ෂයේ ප්‍රතිපත්ති හා පුරවැසියන්ගේ අයිතිවාසිකම් සුරක්ෂිත කරමින් කටයුතු කරන බවට තමන් පොරොන්දු වන බවත් හෙතෙම වැඩිදුරටත් කියා සිටී.

Read 533 times

Leave a comment

Make sure you enter the (*) required information where indicated. HTML code is not allowed.