සදැස්

සදැස් (73)

නුවර මන්දාරමේ හීගතුව ඉවසාන

රොබෝරෝසිය මලක් වැව් දියට  ඉඟි පාන

දළදාව වීදියේ අතෑරුන සුබ සීන

තාම සුවඳයි සුසුම් හෙලන අර හන්තාන...

02 November 2017 in සදැස්

මචං,

පාර අයිනක ඉදන් හිටියම

 අපිට කියනව "රස්තයෝ"......

කැලේ දැක්කොත් උනුත් "වල්අලි"

 පෙරහැරේදිලු "හස්තියෝ"......

දෙයියො හිටියම අපායක බං

 ඌට කිව්වෙත් "යක්සයෝ"......

 එපා මඩ වල, හොයන් පලයන් 

ගඟක් පීනන හංසයෝ......

නිශාචර මත් ඹබරු

රූං ගා ඇදෙනා

 

පාලු මාවතක ,

කුර ගගා එන හැන්දෑ කළුවරට

කියන්නට හිතුනි හිතේ ඇති දුක

මඩ ගද තැවරුනු කය පිරි මැද මැද

අප්පච්චි දැහැනකය ගේ පිල උඩ.....

දෙනුවනින් කතා කර 

නුඹ වටේ කරකැවී..

වදනකුදු නුඹ නොදොඩනා සද..

අම්මේ ඔයා දුකෙන්ද 

නැත්නම් බියෙන්ද

හෙට මා බලන්න එන මනමාළයා

හොයයිද අපේ හතර කොනම

ගොඩලයිද වළලපූ මිනී වල

ආවර්තිතා වගුවක

සංඝටක ගැටෙන කොට

හයිඩ්‍රජන් වායුවෙන් 

පිම්බුවේ කෝම මම

අත තියන්නම බැරි ගින්දරට

සළඹයෝ ආදරෙන් බැඳුනද

දැන් ඉතින් ඔය ගින්දර

ලයේ ඇවිලෙයි සදාකාලෙට

හැරගියපු හින්දා

පෙම් මතක රන්ඳා

තනිකමක ඉන්ඳා

පාළුවයි වින්ඳේ

 

සරා සඳ පායපන් මයෙ ගමේ අහස් කුස

වැහි වළාකුළු සේල ඉර ඉරා දෝතින්ම

බතක් නොයිදුනු පැලේ කඳු ඉහත්තාව කොණ

එබී බලපන් සඳේ බිඳුණු උළු මෑත් කර