අධික වර්ෂාව නිසා ඇතිවන ඕනෑම ආපදා තත්ත්වයක් පිළිබඳව 117 අංකයට ඇමතුමක් දීමෙන් දැනුම් දිය හැකි බව ආපද කළමනාකරණ මධ්‍යස්ථානය පවසයි.

පසුගිය දින කිහිපයේදී ඇද හැළුණු අධික වර්ෂාව ප්‍රදේශ කිහිපයකින් නායයෑම් සිදුවීම් වාර්තා වූ අතර ඉදිරියේදී ද වර්ෂා සහිත තත්ත්වය අපේක්ෂිතය.

කැළණි ගඟේ ජල මට්ටම ඉහළ යාම හේතුවෙන් වැල්ලම්පිටිය නගරයද මේ වනවිට ගංවතුරින් යටව තිබෙනවා. රාත්‍රී කාලයේදී එම තත්ත්වය තවදුරටත් වැඩිවිය හැකි බැවින් පදිංචිකරුවන්ට ආරක්ෂිත ස්ථාන වෙත යනලෙස බලධාරීන් උපදෙස් ලබාදෙනවා.

දිවයිනේ බොහෝ ප්‍රදේශවලට බලපෑ අයහපත් කාලගුණික තත්ත්වය මත ඇති වූ නායයෑම් හා ගංවතුර තත්ත්වයෙන් අද 26 දා සවස වන විට අනූඑක් දෙනෙක් ජීවිත අහිමි වී,110දෙනෙක් අතුරුදන් වී තවත් පවුල් පනස්තුන්දහස් එකසීය දහහතරක්  ආසන්න සංඛ්‍යාවකට උන්හිටි තැන් අහිමි වී තිබිණි.

ඉදිරි පැය 48 ඇතුළත දිවයිනේ සෑම ගංගාවක් ආශ්රිතවම මහා ගංවතුර තත්වයක් ඇතිවිය හැකි බැවින් වහාම සිය නිවෙස්වලින් ඉවත් වී ආරක්ෂිත ස්ථාන වෙත යන මෙන් ගංගා ආසන්නයේ වෙසෙන සියලුම පවුල්වලින් ආණ්ඩුව ඉල්ලීමක් කරයි.

මුස්ලිම් පල්ලි සහ ව්‍යාපාරික ස්ථාන ඉලක්ක කරගනිමින් රට පුරා විවිධ ප්‍රදේශවල එල්ලවෙන ප්‍රහාර පසුගිය දිනවල උත්සන්න වී තිබෙන බව මුස්ලිම් ජනතාව පවසති.

පසුගිය අප්‍රේල් මාසයේ සිට මේ වනවිට රට පුරා විවිධ ප්‍රදේශවල මෙවැනි ප්‍රහාර සහ උසිගැන්වීම් 15ක් වත් සිදු වී තිබෙන බව ඔවුහු පෙන්වා දෙති.

මෙය ආණ්ඩුවට එරෙහිව මුස්ලිම් ජනතාව උසිගැන්වීමේ සංවිධානාත්මක වැඩපිළිවෙලක් බව මේ අතර ආණ්ඩුව පවසයි.

නැගෙනහිර පළාත් සභාව ඉදිරිපිට සිදුකල විරෝධතාවක් අතරවාරයේ අධිකරණය විසින් නිකුත් කරන ලද නියෝගයක් කඩ කිරීමේ සිද්ධියකට ඒකාබද්ධ රැකියා විරහිත උපාධිදාරී සංගමයේ ජාතික කැදවුම්කරු තැන්නේ ඤානන්ද හිමියන් ඇතුළු සිව් දෙනෙකු  ලබන 29 වැනිදා තෙක් රිමාන්ඩ් කිරීමට ත්‍රීකුණාමලය අතිරේක මහේස්ත්‍රාත් සුබාෂිනී චිත්‍රවේල් මහත්මිය අද(23)  නියෝග කළාය.

අද දිනයේ සිදුවූ කැබිනට් මණ්ඩල සංශෝධනයේදී නව කැබිනට් අමාත්‍ය ධූර සඳහා 9දෙනෙකු පත්කිරීමට ජනාධිපතිවරයා විසින් කටයුතු කර තිබේ.

ශ්‍රී ලංකා නිදහස් පක්ෂයේ ආණ්ඩුව නියෝජනය කරන පාර්ශවයන් විසින් රවී කරුණානායක මුදල් ඇමතිකමට නුසුදුසු බව දක්වමින් ගෙන ගිය අරගලය යම් ප්‍රමාණයකින් ජයග්‍රහණය කොට ඇති බව වාර්තාවේ.