මෙතෙක් දේශපාලන හිතවත්කම් මත පත් කරනු ලැබූ තනතුරක් වු ප්‍රවෘත්ති  අධ්‍යක්ෂ ජනරාල් ධුරය සදහා මෙවර විෂය සම්බන්ධයෙන් ප්‍රවීනයෙකු පත්කොට ඇත. ඒ  ආචාර්ය රංග කලන්සුරියයි.  ඔහු ශ්‍රී ලංකාවේ ස්වභාෂා මාධ්‍ය මගින් “ජනවාර්ගිකත්වය වාර්තාකරණය” යන මැයෙන්  පර්යේෂණ නිබන්ධනය කර ඇති අතර සිංහල හා දමිළ පුවත් වාර්තාකරණයේ වෘත්තීයමය ප්‍රමිති මට්ටම පිළිබඳ ගැඹුරු හා විස්තරාත්මක එමෙන්ම ප්‍රායෝගික විචක්ෂණයකද එහි ඔහු යෙදී ඇත. 

 

පෙරේදා මධ්‍යම රාත්‍රිෙය් තමා පැදවී කැබ් රථය මගියේකු බේරීමට ගත් උත්සාහයේදී අනතුරු පත්වීම සම්බන්ධයෙන් විජිත හේරත් මන්ත්‍රීවරයාට තමා කළ වරද පිළිගැනීමෙන් අනතුරව අැප මත නිදහන් විය. 

කොළඹ ප්‍රදේශයේ ඇති වූ ගං වතුර තත්වය සදහා බලපෑවේ කොළඹ නගරයේ ඇති පහත් බිම් ගොඩ කිරීම බවත් නිසි ලෙස කැළණි ගගේ ජලය මුහුදට ගලා නොයාමත් හේතුවෙන් බව මහානාගර සංවර්ධන අමාත්‍ය පාඨලී චම්පික රණවක සදහන් කොට සිටී.

පශ්චාත් සීමාවාසික වෛද්‍යවරුන් බදවා ගැනීම සම්බන්ධයෙන් මතුව ඇති ගැටළුවක් හේතුවෙන් හෙට (31) දින කැදවීමට බලාපොරොත්තු වූ වෛද්‍ය වර්ජනය  පැය කිහිපයකට සීමා කිරීමට අද (30) සවස රජයේ වෛද්‍ය නිලධාරීන්ගෙ සංගමයේ ඉහල සාමාජිකයින් සෞඛ්‍ය අමාත්‍ය රාජිත සේනාරත්නට පොරොන්දු වී ඇති බව විශ්වාස කටයුතු ආරංචි මාර්ගයක් තහවුරු කර සිටී. 

අනවශ්‍ය පුද්ගලයන් පවා මෝටර් රථ ගන්නා බැවින් මෝටර් රථ මිල ඉහළ දැමීමට සිදුවූ බවත් රට තුළද මෝටර් රථ වැඩිවීම තවත් හේතුවක් බවත් අමාත්‍ය ජෝන් අමරතුංග මහතා පවසයි.  අමාත්‍යවරයා මේ බව පැවසූවේ අද (30) ගලේවෙල වහකෝට්ටේ කිතුණු පල්ලියේදී මාධ්‍යවේදීන් නැගූ ප්‍රශ්නයකට පිළිතුරු ලබාදෙමිනි.

එක්සත් ජාතික පක්ෂයේ හිටපු මහ ලේකම් තිස්ස අත්තනායක නව දේශපාලන ගමනක් සම්බන්ධයෙන් මත පළකරමින් සිටී. ඊයේ (29) පැවැති උත්සවයකට සහභාගී වීමෙන් අනතුරුව මේ සම්බන්ධයෙන් අදහස් දැක්වීය.

මේ වනවිට රාජයේ වෛද්‍ය නිලධාරීන්ගේ සංගමය විසින් දියත් කිරීම යෝජිත වැඩ වර්ජනයට හේතු වූ කරුණු සම්බන්ධයෙන් නැවත සිතා බැලිය යුතු බව සෞඛ්‍ය අමාත්‍ය රාජිත සේනාරත්න සදහන් කෙට සිටී.

රටක් සතු දැවැන්ත සම්පත් වන්නේ එම රට සතු රාජ්‍ය සම්පත්ය. කිසියම් රාජ්‍යයක රාජ්‍ය පාලකයන් විසින් කළ යුතු වන්නේ එකී සම්පත් නිසි කළමණාකරණයෙන් එවැනි දෑ වඩා වර්ධනය කිරීම සදහා ඇප කැපවීමය. එහෙත් පැවැති පාලකයන් මෙන්ම මේ වන විට පාලනයේ නියුතු වූවන්ද ඒ සම්බන්ධයෙන් දැක්වූ උනන්දුවේ තරම පෙන්නුම් කිරීම ලංකාවේ ආර්ථික අවපාතයන් සම්බන්ධයෙන් ලොවට කියා පානු ලබන උදාහරණයන්ය.