මාධ්‍ය සංවිධාන ක්‍රියාකාරිකයකු ද වන ෆ්‍රෙඩී ගමගේ මාධ්‍යවේදියාට එල්ල කළ මැර ප්‍රහාරයට සම්බන්ධ ප්‍රධාන සැකකරුවන් මෙතෙක් අත්අඩංගුවට නොගැනීම ගැන ශ්‍රී ලංකා තරුණ ජනමාධ්‍යවේදීන්ගේ සංගමය දැඩි අප්‍රසාදය පළ කර සිටියි.

යහපාලනයේ උණුසුම මේ වනවිට ජනතාවට වඩා හොදින් දැනෙමින් පවතින බවට වන විසුළු කතා සමාජයේ ජනතාව අතර වඩා වැඩියෙන් ඇසෙමින් පවතී. ඒ ජනතාවගේ බඩට දැනෙන ලෙස මේ වනවිට බදු බර වැඩිකොට ඇති අතර, ජල ගාස්තු, සිමෙන්ති මිල, හා අනෙකුත් අත්‍යවශ්‍ය භාණ්ඩ කිහිපයක මිලද වැඩිකොට අවසන්ය. මීට අමතරව සාමන්‍ය ජනතාවට මිලදී ගත හැකිව තිබූ ත්‍රීවිලර් රථය මෙන්ම මධ්‍යම පන්තියට මිලදී ගත හැකිව තිබූ වාහන වල ද මිල ශීඝුයෙන් ඉහල යාමක් වාර්තා විය. 

රාජපක්ෂවරුන් විසින් පසුගිය පාලන සමයේදී නොයෙක් ආකාරයෙන් ගොඩ ගසා ගත් ධනයෙන් ගොඩනැගූ දේපල මේ වනවිට මූළ්‍ය අපරාධයන්ගෙන් බේරීම සදහා තම සමීපතමයන් වෙත බලයෙන් පවරා දෙමින් සිටින බවට තොරතුරු හෙළි වෙමින් පවතී .මෙසේ  බැසිල් රාජපක්ෂ මහතා විසින් පසුගිය රජය සමයේ ඉදිකරවන ලද නිවාස හා ගොඩනැගිලි රැසක අයිතිය පසුව වෙනත් පුද්ගලයන් වෙත පවරා ඇති බව මූල්‍ය අපරාධ විමර්ශන කොට්ටාශය විසින් කරන ලද අනාවරණය කොට ගෙන ඇත. 

මහින්ද රාජපක්ෂ කේන්ද්‍ර කොටගත් ඒකාබද්ධ විපක්ෂයේ බලය බිද දැමීම සදහා ශ්‍රී ලංකා නිදහස් පක්ෂයේ දෙවන පෙළ නායකත්වය සදහා ගෝඨාභය රාජපක්ෂ යොදගැනීමට මෛත්‍රීපාල සිරිසේන ජනාධිපතිවරයාගේ නායකත්වයෙන් යුත් ශ්‍රී ලංකා නිදහස් පක්ෂය කටයුතු කරමින් සිටී.

අනවසරයෙන් අලි පැටවකු ළඟ තබාගත් බවට සැකපිට උසාවියට ඉදිරිපත් කළ හිටපු මහේස්ත්‍රාත් තිළිණ ගමගේට රුපියල් ලක්ෂ 5ක මුදල් ඇප හා රුපියල් ලක්ෂ 25 බැගින් වූ ශරීර ඇප 4ක් මත මුදා හැරීමටත් ඔහුගේ විදෙස් ගමන් තහනම් කිරීමටත් නුගේගොඩ ප්‍රධාන මහේස්ත්‍රාත් කණිෂ්ක විජේරත්න මහතා ඊයේ (2) නියෝග කළ බවට ප්‍රවෘත්ති පළ වුවත් එම කොන්දේසි සැපරීමකින් තොරව ඔහු මුදා හැර ඇති බව විශ්වාසකටයුතු ආරංචිමාර්ග සඳහන් කරයි.

ඇඹිලිපිටිය සුමිත් ප්‍රසන්නගේ මරණයට සම්බන්ධ බවට සැක කරන ප්‍රධානියෙකු ඊයේ ඇඹිලිපිටිය උසාවිය මගින් ඇප මත මුදාහරිනු ලැබීය. ඒ දෙවනුව සිදුකළ වෛද්‍ය පරීක්ෂණයෙන් අදාළ මරණය සිදු වූයේ පොලිස් පහරදීමෙන් නොව බිමට ඇද වැටීමෙන් බවට වන සාක්ෂි පොලිසිය පාර්ශවයෙන් හා ඒ හා බැදුනු නීතිඥ පාර්ශවයෙන් තහවුරු කිරීමෙන් අනතුරුවය. 

එහෙත් මීට සම්බන්ධ අගතියට පත් පාර්ශවය වෙනුවෙන් පෙනී සිටින නීතිඥයින් පෙන්වා දී සිටින්නේ මෙකී ඝාතනය සම්බන්ධයෙන් සිදුකරනු ලබන දෙවන පරීක්ෂණය මෙකි පරීක්ෂණයට කිසිසේත්ම යොග්‍ය නොවන බවයි.

මෙතෙක් දේශපාලන හිතවත්කම් මත පත් කරනු ලැබූ තනතුරක් වු ප්‍රවෘත්ති  අධ්‍යක්ෂ ජනරාල් ධුරය සදහා මෙවර විෂය සම්බන්ධයෙන් ප්‍රවීනයෙකු පත්කොට ඇත. ඒ  ආචාර්ය රංග කලන්සුරියයි.  ඔහු ශ්‍රී ලංකාවේ ස්වභාෂා මාධ්‍ය මගින් “ජනවාර්ගිකත්වය වාර්තාකරණය” යන මැයෙන්  පර්යේෂණ නිබන්ධනය කර ඇති අතර සිංහල හා දමිළ පුවත් වාර්තාකරණයේ වෘත්තීයමය ප්‍රමිති මට්ටම පිළිබඳ ගැඹුරු හා විස්තරාත්මක එමෙන්ම ප්‍රායෝගික විචක්ෂණයකද එහි ඔහු යෙදී ඇත. 

 

පෙරේදා මධ්‍යම රාත්‍රිෙය් තමා පැදවී කැබ් රථය මගියේකු බේරීමට ගත් උත්සාහයේදී අනතුරු පත්වීම සම්බන්ධයෙන් විජිත හේරත් මන්ත්‍රීවරයාට තමා කළ වරද පිළිගැනීමෙන් අනතුරව අැප මත නිදහන් විය.