Friday, 01 November 2019 22:32

ප්‍රවීන රංගන ශිල්පිනී චන්ද්‍රා කළුආරච්චි මහත්මිය සමුගනී

Written by 
Rate this item
(0 votes)

ප්‍රවීණ රංගන ශිල්පීනි චන්ද්‍රා කළුආරච්චි මහත්මිය  අද (1) පස්වරුවේ අභාවප්‍රාප්ත වූවාය.

මිය යන විට 76 වැනි වියේ පසූවු  ඇය දෙදරු මවකි.

ජනප්‍රිය ගායක සහ ප්‍රවීණ සංගීතඥයකු වූ ලක්ෂ්මන් විජේසේකර මහතාගේ බිරිඳ වූ ඇය වේදිකා සහ ටෙලි නාට්‍ය රංගන ශිල්පිනි අමා විජේසේකර මහත්මියගේ මවද වේ.

1964 වසරේ දී වේදිකා ගතවූ ප්‍රේම රංජිත් තිලකරත්නගේ ‘වහලක් නැති ගෙයක්’ වේදිකා නාට්‍යයේ රංගනය වෙනුවෙන් හොඳම නිළියට හිමි සම්මානය දිනාගත් ඇය ‘එරබොදු මල් පිපිලා’, ‘කැළණි පාලම’ ඇතුළු නාට්‍ය රැසක රඟ පැවාය.

දහසක් සිතුවිලි, මොකද වුණේ, රොමියෝ ජුලියට්, ලක්සෙට කොඩිය, තුං මංහන්දිය, වැලි කතර, සිංගප්පූරු චාලි, මාතර ආච්චි, හත්දින්නත්තරු,  සිහසුන, ජීවන ගංගා, දිනුම් කණුව, සිරිල් මල්ලී, ආශා වසන්තයේ දවසක්, පාරදිගේ, දඬු මොනර, ආරාධනා, පවුරු වළලු, සෙයිලම ඇතුළු චිත්‍රපට 40 කට ආසන්න ගණනක විවිධ චරිත නිරූපණය කර ඇති ඇය වඩාත් අම්මාගේ චරිතය රඟපෑමෙන් ප්‍රේක්ෂක ප්‍රසාදයට පත්වුවාය.

පසු කලෙක ටෙලි නාට්‍ය රංගනයට ද පිවිසි ඇය නාට්‍යයන්හි හඬකැවීම් ශිල්පිනියක් ලෙස ද කටයුතු කර ඇත.

දේහය ගල්කිස්ස කලාපුර අංක 140/31/s නිවසේ තැන්පත් කර ඇති අතර අවසන් කටයුතු 3 දා සවස 5 ට දෙහිවල ගල්කිස්ස පොදු සුසාන භූමියේදී පැවැත්වේ.

Read 29 times

Leave a comment

Make sure you enter the (*) required information where indicated. HTML code is not allowed.