අද දින 2020 ජූලි 07 වන වන දින කුරුණෑගල මඩහපොල දී අග්‍රාමාත්‍ය මහින්ද රාජපක්ෂ මහතාගේ සේවක මහතෙකුට හා ජොන්ස්ටන් ප්‍රනාන්දු අමාත්‍යවරයාගේ රථයකට හා රියදුරු මහතෙකුට නාදුණන පිරිසක් විසින් පහර දී ඔවුන්ව පැහර ගෙන ගොස් තිබේ.ඔවුන්ව සම්බන්ධ කර ගැනීම සදහා කාර්‍යාල නිලධාරීයකු උත්සාහ කිරීමේදී දුරකතනයට පිලිතුරු ලබාදී ඇත්තේ පැහැර ගත් මැරයෙකි.අනතුරුව කාර්‍යාල සේවකයා විසින් පොලිසිය දැනුවත් කීරීමෙන් පසුව පොලිසිය විසින් මාර්ග බාධක යොදා අත්අඩංගුවට ගැනිමට කටයුතු කර තිබේ.

වරායේ නැගෙනහිර ජැටිය හොර ගිවිසුමක් ගසා ඉන්දියාවට හා ජපානයට ලියාදුන් හිටපු සභාපති පරාක්‍රම දිසානායක කොලඹ තරු පහේ හෝටලයක තවත් වරායේ හිටපු නිලධාරීන් හා වර්තමාන සේවයේ නියුතු නිලධාරීන් පිරීසකට සාදයක් පවත්වා ඇත.

අද(1) ජාත්‍යන්තර කම්කරු දිනය වෙනුවෙන් විශේෂ පණිවිඩයක් නිකුත් කරන පෙරටුගාමී සමාජවාදී පක්ෂය, පීඩාව සහ සූරාකෑම අවසන් කිරීමේ විප්ලවීය ජනතා ව්‍යාපාරයක් ගොඩ නැගීමට එක්වන ලෙස වැඩකරන ජනතාව ඇතුලු බලවේගවලින් ඉල්ලා සිටී.

ලංකාවේ කොරෝනා වසංගතය මධ්‍යයේ විවිධ සාධාරන අවශ්‍යතා සඳහා මාර්ගයට බසින බහුතරයක් දුප්පත් මිනිසුන් ඇඳිරිනීතිය උල්ලංගනය කිරීම යන චෝදනව යටතේ දිගින් දිගටම අත්අඩංගුවට ගැනෙමින් පවතී. දැනට අත්අඩංගුවට ගෙන ඇති පුද්ගලයන් ගනන 40000 ට වැඩි සංඛ්‍යවක් වන අතර බොහෝ දෙනා නඩුවලට පෙනී සිටීමේ කොන්දේසි මත ඇප පිට නිදහස් කර තිබේ. එහෙත් අඳිරිනීතිය උල්ලංගනය කිරීම යන චෝදනාව නීත්‍යානුකූලද?

⁣නියෝජ්‍ය පොලිස්පති නීතිඥ අජිත් රෝහන දැන් කියා සිටින්නේ ජනාධිපති මාධ්‍ය නිවේදන හරහා පනවනු ලබන ඇඳිරි නීතිය පනවනු ලබන්නේ 1947 අංක 25 දරන සංශෝධිත මහජන ආරක්ෂක ආඥාපනතේ (මආආ) විධිවිධාන යටතේ නොවන බවත් 1897 අංක 3 දරන සංශෝධිත නිරෝධායන සහ රෝග වැලැක්වීමේ ආඥාපනතේ (නිරෝවැආ) හා ඒ යටතේ නිශ්චිතව සඳහන් නොකරන රෙගුලාසි යටතේ බවත්ය. මෙය පවතින නීතිය වරදවා දැක්වීමකි.

යම් දෙයක ශක්තිය තුල ම එහි විනාශයත් ගැබ්ව පවතිනවා. ඒ උනාට සාමාන්‍ය මිනිසා යමක් තුල ම තියන නිශේදනය දකින්න අසමත් කියලත් කියනවා. එහෙම කියල තියෙන්නේ මට මතක විදියට හේගල් කියල දාර්ශනිකයා. යම් දෙයක් ශක්තිමත් කියල හිතන කොටම අපි නැවත කල්පනා කරන්න ඕනි ඒ ශක්තිමත් දෙය විනාශ වෙන්නත් ඒ දේ ඇතුලෙම තියන යම් නිශේධනයක් නිසා කියල. යකඩ කියන්නේ ගොඩක් හයිය දෙයක්. ඒ උනාට මළකඩ කියන්නෙත් ඒ යකඩ ඇතුලෙ ම හටගන්නා දෙයක්. යකඩ ගොඩක් කාලයක් වාතයට ජලයට නිරාවරණය වුණොත් අර යකඩ තුළ ම තිබ්බ එහෙත් එකපාරටම දකින්න බැරි උන 'යමක්' විසින් එයාටත් නොදැනීම ඒ ශක්තිමත් දෙය ක්‍රමානුකුලව විනාශ කරලා දානවා. ඒ නිසා යමක් දකිද්දී අපි ඒ දේ තුල අන්තර්ගත වෙලා තියන විනාශයත් දකින්න ඕනි.

Covid 19 වෛරසය ආසාදනය වූ තැනැත්තෙකුට හුස්ම ගැනීම පහසු කෙරෙන යන්ත්‍රයක් (ventilator) ලබාදීම ඔහුගේ මරණය පරාජය කොට ජීවිතය සහතික කිරීමට හේතුවිය හැකිය.

එහෙත් එවැනි යන්ත්‍රයක පිහිට ලබා දුන්නත් ඇතැම් රෝගීන්ගේ ජීවිත බේරා ගැනීමට නොහැකි අවස්ථාවලට ද මුහුණ දීමට සිදුවෙයි.

රජය , සෞඛ්‍ය අංශ හා ආරක්ෂක අංශ වගේම උද්ගත්වී ඇති කොරෝනා වසංගතය මැඩ පැවැත්වීම සදහා ලංකාව වටා ගිණි නිවීමේ ඒකක වල නිලධාරිනුත් තමන්ගේ සේවාව ඒ සදහා ලබාදී ඇත. හොරණ සෞඛ්‍ය වෛද්‍ය කාර්‍යාලය , හොරණ නගර සභා සෞඛ්‍ය අංශය හා ගිණි නිවීමේ ඒකකය මගින් පසුගිය දින කීපයේම කොරෝනා මර්ධන වැඩ සටහන් ක්‍රියාත්මක කර තිබුණි.

ලෝකයේ සෑම ආර්ථිකයක්ම විදේශ වෙළදාම හා සංචාරක කර්මාන්තය එක්ක විවිධාකාරයෙන් බැදෙනව .ලෝක වෙළදපළේ  කොටස් මිල ගණන් ශීඝ්‍රයෙන් පහළ යමින් තිබෙනව. බැඳුම්කර වෙළෙඳපොළේ විදෙස් ආයෝජන ද ඉවත් කර ගැනීම ද සිදුව තියෙනව. ලොව දෙවන විශාලතම ආර්ථිකයට හිමිකම් කියන චීනයේ ආර්ථිකයට මේ නිසා බරපතල අහිතකර බලපෑම් එල්ලවීමත් එක්ක චීනයේ කාර්මික කටයුතු බහුතරයක් ඇණ හිටිනව. ඒ නිසාම චීනයේ බොරතෙල් මිලදී ගැනීම නවතිද්දි බොරතෙල් මිල සියයට තිහකින් පමණ පහල යනව.

 

ඒ පහල යාම අපි වගේ රටවල් වලට වාසි සහගත උනත් කොටස් වෙළදපලේ පහළ යාම, සංචාරක කර්මාන්තය ඇණහිටීම, චීනයෙන් ගෙන්වන අමුද්‍රව්‍ය නොමැති වීම නිසා කර්මාන්ත තුළ නිශ්පාදන ක්‍රියාවලි අවම වීම, ගුවන් ගමන් සේවා නතර වීම නිසා ඇතිවන ආර්ථික බලපෑම් , ශ‍්‍රී ලාංකික සංක‍්‍රමණික ශ‍්‍රමිකයන් සැලකිය යුතු සංඛ්‍යාවක් සිටින රටවල මෙම වෛරසය පැතිරීම හේතුවෙන් පේ‍්‍රෂණ ගලා ඒම සඳහා ද බලපෑම් ඇති වීම ආදී  හේතු නිසා අපේ රටේ ආර්ථිකයට විශාල තර්ජනයක් එල්ල වෙනව. ගෝලීය බලශක්ති මිල ගණන් සහ ජාත්‍යන්තර පොලී අනුපාතික පහළ යෑම තුළින් සුළු ප‍්‍රතිලාභයන් ඇති විය හැකි වුවත්  ඉහත සඳහන් අහිතකර තත්ත්වයන් හි බලපෑම සාපේක්ෂව ඊට වඩා විශාලයි.

 

මේ ප්‍රශ්නයෙදි ලොකු ව්‍යාපාරකයින් වගේම පොඩි මිනිස්සුත් එකම විදිහට බැට කනව. දවසේ කුලියක් කර හරි හම්බ කරගන්නා මිනිස්සුන්ට , වතු කම්කරුවන්ට, කුලී රථ රියදුරන්ට, ශ්‍රමිකයින් ට තමන්ගේ ආදායම් මාර්ග නැති වෙලා තියෙනව. ඒ හැම තැනදිම රජය ඒ අය වෙනුවෙන් යම් සහනයක් සැලසීම ගැන අගය කරන්නම ඕනෙ. රජය මේ වෙලාවෙ නිරෝධායනය සදහා, රෝගීන්ට ප්‍රතිකාර කිරීම සදහා වගේම කොරෝනා මර්ධනය වෙනුවෙන් සිදුකරන ක්‍රියාවලි සදහාත් ලොකු වියදමක් දරනව.

 

ලෝකයේ එහෙම වෙද්දි , රජය එහෙම කරද්දි අපි මොකක්ද කරන්නෙ? අපිටත් තියෙනව ඉෂ්ඨ කරන්න වගකීමක් . කොරෝනා මර්ධන ක්‍රියාවලියට සහයෝගයක් වෙන්න අපිට පුළුවන් .

 

  වගකීමෙන් යුතුව ආරක්ෂක අංශවලින් දැනුවත් කරන ආකාරයට හැසිරෙන්න. සෞඛ්‍ය අංශවලින් දෙන උපදෙස් පිළිපදින්න. තමන්ගේ දේශපාලන මතවාද , මඩ ගැසීම් තුළින් කොරෝනා දේශපාලනික කෝණයකින් නොදකින්න. අහළ පහලක උදව් අවශ්‍ය කෙනෙකු ඇත්නම් ගෙදරට ගෙනා බඩු වලින් හැකි දෙයක් ලබා දෙන්න. වත්තට එන බල්ලන්ට කෑමට යමක් දෙන්න. කොස් පොළොස් වාරය බැවින් කැමති කෙනෙකුට කොස් ගෙඩියක්, පොළොස් ගැටයක්, පොල් ගෙඩියක් රැගෙන යන්නට ඉඩ දෙන්න. පිට රටක සිට පැමිණ ඇත්නම් , ඒ පැමිණි කෙනෙක් ඇසුරු කර ඇත්නම් ප්‍රාදේශීය සෞඛ්‍ය වෛද්‍ය නිලධාරීන් දැනුවත් කරන්න. රෝගයක් ඇත්නම් හැංගී මුත්තන් කිරීමෙන් වළකින්න. ඇදිරි නීතිය ඉවත් කරනුයේ අත්‍යවශ්‍ය කරුණක් සදහා එළියට යෑමට , ආහාර ද්‍රව්‍ය ලබා ගැනීමට පමණක් බව මතක තබා ගන්න. පෝලිම් වල පොරකමින් සිටීමෙන් වළකින්න. නිවෙසකින් එක් අයෙකු පමණක් ගොස් අවශ්‍ය භාණ්ඩ රැගෙන එන්න. මුඛ ආවරණ, අත් වැසුම් පළදින්න. මීටරයක් දුරින් ගණුදෙනු සිදු කරන්න. නිවෙසට ඇතුළු වීමට පෙර විෂබීජයෙන් පවුලේ අය ආරක්ෂා වන අයුරින් පාලනය වන්න.

 

කොරෝනා මාරාන්තික නෑ . නමුත් ශරීර සෞඛ්‍ය දුර්වල, නිධන්ගත රෝග ඇති අයට මාරාන්තික වෙන්න පුළුවන් . ඒ අතර ඉහළින්ම ඉන්නේ ඔබේ දෙමව්පියන් බව සිහි තබා ගන්න. ඔබේ යුතුකම ඉටු කරන්න. ඒ යුතුකම් හා වගකීම් තුළින් රටේ අය ආරක්ෂා වනු ඇති. කොරෝනා යනු පියවි ඇසට නොපෙනෙන වෛරසයක් බව සිහි තබා ගන්න. තවමත් මේ පිළිබඳ හරි වැටහීමක් නැති හය හතර නොදන්නා යහළුවන් ඔබට සිටීනම් ඔවුන් දැනුවත් කරන්න .පරිස්සමින් , සහයෝගයෙන් ඉන්න ...

 

මලී පෙරේරා