ස්පාඤ්ඤයේ බාසිලෝනා අගනුවර ජනාකීර්ණ වීදියක ගමන් කරමින් සිටි ජනතාව වෙතට බ්‍රහස්පතින්දා රාත්‍රියේ පුද්ගලයෙකු වෑන් රථයක් පදවාගෙන විත් එල්ල කළ ප්‍රහාරයෙන් අනතුරුව කම්බ්‍රිල්ස් (Cambrils) ප්‍රදේශයේ එවැනිම තවත් ප්‍රහාරයක් එල්ල වූ බව පොලිසිය පවසයි.

උතුරු කොරියාවේ න්‍යෂ්ටික අත්හදාබැලීම් මුල් කර ගනිමින් ඇමරිකාව සහ උතුරු කොරියාව වාග් සංග්‍රාමයක නිරතව සිටිති.

ඇමරිකානු බල ප්‍රදේශයක් වන ගුවාම් දූපත ආසන්නයට මිසයිල ප්‍රහාරයක් එල්ල කිරීමට පවතින සැලසුමක් පිළිබඳ උතුරු කොරියාව බ්‍රහස්පතින්දා (අගෝස්තු 10) නිවේදනයක් නිකුත් කිරීමත් සමග එරට සහ ඇමරිකාව අතර පවතින උණුසුම්කාරී වාතාවරණය තවත් උත්සන්න විය.

සිය භාර්යාව බ්‍රිෂීට් වෙනුවෙන් ජනාධිපති ආර්යාවගේ භූමිකාවට නිල තත්ත්වයක් ලබා දීම සඳහා පැවති සැලසුම ප්‍රංශ ජනාධිපති එම්මානුවෙල් මැක්‍රෝන් විසින් ඉවත දමනු ලැබීමට සූදානම් වන බව වාර්තා පවසයි.

ජනාධිපතිවරණ ප්‍රචාරණ ව්‍යාපාරය තුළ දී මැක්‍රෝන් කියා සිටියේ සිය බිරිඳ සඳහා සැබෑ නිල පදවියක් නිර්මාණය කිරීමට තමන්ට අවශ්‍ය බවය.

කාන්තාවන් සහ පිරිමින් ගැවසෙන ස්ථාන වල මෝටර් සයිකල් වලින් ගමන් ගන්නා පොලිස් නිලධාරිනියන්ය. ඔවුන්ගේ විමසුම් ඇස යොමුව ඇත්තේ එකම එක කරුණක් සම්බන්ධයෙන් පමණි එනම් ‘පිරිමින් ගෙන් කාන්තාවන්ට සිදුවන නොයෙකුත් අතවර’ සම්බ න්ධයෙනි.එවැනි අවස්ථා වල වහා ඉදිරිපත් වී ‍හොඳින් බැරිනම් අතින් පයින් වුව ඒ සල්ලාල පිරිමින් මෙල්ල කර ගැනීමේ අපූරු හැකියාවක් ඔවුන් තුළ තිබේ.

කිර්ගීසියාවේ ජනාධිපති අල්මාෂ්බෙක් අතම්බයෙෆ් ගේ බාල දියණිය,අලියා ෂගීවා නිරාවරණය කෙරුණ උඩුකයෙන් යුතුව සිය දරුවාට මව්කිරි පොවන ආකාරය දැක්වෙන ඡායාරූපයක් සමාජ මාධ්‍ය ජාලයට මුදා හරිනු ලැබීමෙන් අනතුරුව එය ලොව කලඹන විවාදයක් බවට පත්වෙමින් ඇත.

ධුරයේ කටයුතු කිරීමට නුසුදුසු බව ශ්‍රේෂ්ඨාධිකරණය තීන්දු කිරීමත් සමග පාකිස්තාන අගමැති නවාස් ෂරීෆ් එම ධුරයෙන් ඉල්ලා අස් වෙයි.

දූෂණ චෝදනා සම්බන්ධයෙන් පැවති විමර්ශනවලින් අනතුරුව පාකිස්තාන අගමැතිවරයා එම ධුරයේ කටයුතු කිරීමට නුසුදුසු බව එරට ශ්‍රේෂ්ඨාධිකරණය තීන්දු කළේය.

අගමැතිවරයාගේ දරුවන් හා විදේශීය සමාගම් අතර සබඳතා පැවති බව පැනමා ලිපිගොනුවලින් අනාවරණය වීමත් සමග ඔහුගේ පවුලේ වත්කම් පිළිබඳ පරීක්ෂණයක් ආරම්භ කෙරිණි.

ශ්‍රේෂ්ඨාධිකරණය විසින් අදාළ තීන්දුව දෙනු ලබන අවස්ථාවේ ඉස්ලාමාබාද් අගනුවර ආරක්ෂාව තර කර තිබිණි.

තම මව, ඩයනා කුමරිය සමග තමන් සිදුකළ අන්තිම දුරකථන කතාබහ හදිසියේ නිමවූ ඉතාම කෙටි කතාබහක් වීම පිළිබඳව ඔටුන්න හිමි විලියම් කුමරු සහ හැරී කුමරු සංවේගය පළ කරති.

සිය මවගේ හදිසි අභාවයට වසර විස්සක් පිරීමත් සමඟ රූපවාහිනී වාර්තා චිත්‍රපටයක් සඳහා අදහස් දැක්වූ විලියම් කුමරු ඔවුන් සිය පිය පාර්ශවයේ මිත්තණිය වන බ්‍රිතාන්‍ය එලිසබත් රැජිනත් සමඟ ස්කොට්ලන්තයේ ගත කරමින් සිටියදී සිදු වූ එම අන්තිම කතාබහ ඉතා කෙටි එකක් වූ බව සඳහන් කළේය.

 

තෙරේසා මේ බ්‍රිතාන්‍ය අගමැතිවරියගේ කාර්ය මණ්ඩලයේ ප්‍රබල උපදේශකයන් දෙදෙනෙක් පදවිවලින් ඉවත්ව ගොස් ඇතැයි විදෙස් වාර්තා පවසයි. ඉවත්ව ගිය අගමැති උපදේශකයන් වන්නේ අගමැති කාර්ය මණ්ඩල ප්‍රධානියකු වන නික් තිමති (Nick Timothy) සහ එම කාර්ය මණ්ඩලයේ සාමාජිකාවක වන ෆියෝනා හිල් (Fiona Hill) යන දෙදෙනායි.

 

බ්‍රහස්පතින්දා පැවැත්වුණු මහ මැතිවරණයේදී බහුතර බලයක් ලබාගැනීමට නොහැකි වුවත්, සුළුතර ආණ්ඩුවක් පිහිටුවන බව වැඩිම ආසන දිනාගත් තනි පක්ෂයේ නායිකාවවන තෙරේසා මේ නිවේදනය කළාය.

කොන්සර්වේටිව් පක්ෂය ආසන 318 ක් දිනාගෙන සිටින අතර සුළුතර ආණ්ඩුවක් පිහිටුවීම පිණිස සහාය දෙන බව උතුරු අයර්ලන්තය දිගටම බ්‍රිතාන්‍යය තුළ රැඳී සිටීම වෙනුවෙන් පෙනී සිටින ඩිමොක්‍රටික් යූනියනිට් පක්ෂය (DUP) නිවේදනය කර තිබේ.

මෙවර බ්‍රිතාන්‍ය මහ මැතිවරයෙන් එරට විශාලතම පක්ෂය වන අගමැතිනි තෙරේසා මේ නියෝජනය කරන කන්සර්වේට්ව් පක්ෂයට, බහුතරය හිමි නොවනු ඇති බව විදෙස් වාර්තා පවසයි.

Page 1 of 5