Sunday, 29 November 2020 13:48

අරගලයේ අපරාජිත සටන්කරු "නිෂ්මි"

Written by 
Rate this item
(0 votes)

අරගලයේ අපරාජිත සටන්කරු "නිෂ්මි"

 

යහපත් හෙට දවසක් වෙනුවෙන්ද, නිවැරදි දැක්මක් සහිත වූ සමාජවාදී සමාජයක් ඇතිකිරීමේ අභිප්‍රායෙන් එදා 89 අරගලය තුලදී තම තරුණ ශක්තිය දහඩියෙන් ලෙයින් කැපකල පරම්පරාවකගේ කථාව තුල අපගේ මෙම ලිපිපෙළේ කථානායකයාවන "නිෂ්මි" පිලිබඳව එදා ඔහු සමග එක්ව වැඩකල අපගේ ඔහුගැන මතකය මෙසේ අවදිකිරීමට ගන්නා උත්සාහයේදී මෙය හුදෙක් "නිෂ්මි" පිළිබඳ කථාවමත් නොවන අතර මෙය එදා ඔහුසමග උරෙන් උර ගැටී වැඩකල ජීවිත කුසුම අරගලය වෙනුවෙන් පුදාහල ලෙනෝරලාගේ,පියසිරිලාගේ,මාරසිංහලාගේ,මහානාමලාගේ, බාලෙලාගේ,වෙනුරලාගේ, බන්දුලලාගේ කථාවද වියහැක. එසේම මෙකී නම්වලින් පරිභාහිරව අපගේ හදවත් තුල නම්වලින් පවා මතකයන් නොතබාම ගිය සියළු සොයුරු සොයුරියන්ගේ කථාවද වියහැක. එබැවින් ඒ සියළු සොයුරු සොයුරියන් ගැනමත් අපගේ හදවත්වල ගැඹුරු මතකයන් යලි මෙනෙහි කරමිනුත් මේ අරගලයේ අපරාජිත සටන්කරු "නිෂ්මි" යන ලිපිමාලාව ලිවීමට "සහෘද සාමුහිකය" හැටියට අප අදහස් කලෙමු.

 

එසේම මේ ලිපිමාලාව "නිෂ්මි" ගේ එදා පෙන්නූ නායකත්ව හැකියාව උත්කර්ෂවත් කර ඔහු හුදු වීරයකු කිරීමට නොව, එකී සන්දර්භය තුල ඔහුගේ පැවැත්මේ කොන්දේසි (conditions of existence) තුලදී ඔහු එකී සුවිසල් නායකත්ව භූමිකාවකට සේන්දුවූයේ කිසියම්මවූ යාන්ත්‍රික ආකාරයකින්ද, එසේත් නැත්නම් ඔහුගේ භූමිකාව මතුවීම යම්කිසි ද්විඝඨනාත්මක සංන්සිද්ධීන්ගේ අහඹු හෝ අනිවාරණීය ප්‍රතිපලයක් දැයි විමසීම වෙන කාටවත් නැතුවද අද දවසේ ශිෂ්‍ය පරම්පරාවට වැදගත් වනු ඇත. වෙනත් සරල ආකාරයකින් විස්තර කරතොත්, පළමු වසරේදී අතිශය සාමාන්‍ය ශිෂ්‍යයෙකුව ඉඳ, ඊලඟ අවුරුදු කීපය තුල මෙතරම් පළල් දැක්මක් සහ සංවිධාන ශක්තියක් පෙන්නුම් කලේ කෙසේද ? ඔහු ඒ තැනට ඔහුට ඉහලින් සිටි "පියසිරි මහත්තයා" ඇතුලු පිරිස ඔහුව ඇදගෙන පැමිනියේද, නැතහොත් ඔහුට ඔහුගේ ඉහල නායකත්ව වලල්ළේ පසුවූ සිසු නායකයන් වුනු රංජිදන්,වෙනුර,බාලේ,සේන මච්චාගම යන අයගේ යම්කිසි ආභාශයන් ඔහුට බලපෑවේද ? එසේත් නැත්නම් එම හැකියාව ඔහුගේම ස්වයංව පැමිනි ඔහුටම උරුමවූ (inherited ) හැකියාවක්ද ? එසේත් නොමැතිනම් එදා පැවති සංදර්භය තුල ඇතිවතිබූ වාස්ථවික තත්වයන් ඔහුගේ භූමිකාවට බලපෑවේද යන්න පිළිබඳව අප විමර්ශනාත්මකව බැලිය යුතුය. ඒ අන්කිසිවක් නිසා නොව ශිෂ්‍ය ව්‍යාපාරයේ ඊලඟ පරම්පරා වලින් බිහිවන්නාවූ නායකයනටත්, ක්‍රියාධරයනටත් "නිෂ්මි" පිලිබඳ මෙවන් විශ්ලේෂණයක් ඔවුන්ගේ භාවිතාවන් වලටද උචිතකර ගැනීමට එය මහත් පිටිවහලක් විය හැකිය.එසේම තවත් අතකින් "නිෂ්මි" ප්‍රමුඛ එද දිවිදුන් මුලුමහත් ශිෂ්‍ය නායකයින්, ක්‍රියාධරයින් වෙතට පුදකරන ගෞරවයක්ද වනුඇති බවට අපි "සහෘද සාමුහිකය" වෙනුවෙන් විශ්වාස කරන්නෙමු.

 

මෙම ලිපිපෙළ අප "89 සහෝදරත්වය" ඉදිරියට ගෙනයාමේ එක් ධනාත්මක පියවරක් ලෙස අප සහෝදර පිරිසක් විසින් පිහිටුවාගන්නා ලද "සහෘද සාමුහිකය" දේශපාලන සංවිධානය මගින් එළිදක්වනු ලබන මෙම "පවුර" විද්‍යුත් සඟරාවේ ලිපිපෙළක් ලෙස පලවන අතරම, "89 අරගලයට" දායකත්වය සැපයූ, එමෙන්ම නිෂ්මි ඉතාම ලඟින් ඇසුරුකල, වත්මන් කාලයේ ලේඛකයකු ලෙස කටයුතු කරන මහින්ද සෙනරත් සොයුරා විසින් මීට කලකට පෙර ලියන ලද"නිෂ්මි" නමින් ලියාපලකරන ලද ග්‍රන්ථයේ සිංහල සහ ඉංග්‍රීසි පරිවර්තනයන් කොටස් වශයෙන් මෙහි පලකිරීමට නියමිතය...

Read 220 times Last modified on Sunday, 29 November 2020 13:56

Leave a comment

Make sure you enter the (*) required information where indicated. HTML code is not allowed.