ආචාර්ය ප්‍රේමසිරි කේමදාසයන් ජීවය හතිලන පොළොවක් සංගීතයෙන් අස්වැද්දූ සැබෑ මිනිසෙකි. ඔහු නිර්මාණය කළ ටෝන් පොයම් (Tone Poem) සංගීතමය භාවිතය තුළින් මිනිසාත්, ඔහුගේ ජීවන පැවැත්මත්, ස්වභාවධර්මයත් පිළිබඳ කවදාවත් පරණ නොවන කතාවකට කටහඬක් දෙනවා. ඒ හඬින් ඇහෙන්නේ මිනිසාගේත්, ස්වභාවධර්මයේත් හදගැස්මේ රිද්මයයි. ඒ රිද්මයෙන් කාලයට හසු නොවුණු සත්‍යයේ ගැඹුරු දෝංකාරය පිළිබඳව ගැයෙනවා. ඒහි නිදන්ගත රිද්මයේ කිසිදු සීමාවකින් තොරව මහ පොළොවේ ජීවත් වෙන මානව සංහතියේම ආත්මය සුවපත් කිරීමේ ජීවගුණයක් පවතිනවා. ඒ සංගීතමය නින්නාදයෙන් රසිකයා තුළ ජීවත් වන මිනිසා ඇහැරවා මිනිසාත්, ලෝකයත් පිළිබඳ හිතන්න පුරුදු කරනවා. ඒ තුළින් ඉපදෙන ප්‍රඥාවෙන් එදත්, අදත් හෙටත් ලෝකය ගොඩනැගීමට තමන් මැදිහත් විය යුත්තේ කෙසේ ද? එය පටන් ගත යුත්තේ කොතනින් ද? යන සොයායාම වෙත මිනිසා රුගෙන යනවා.

කටු අකුලේ මල් ඇහැරුන කාලය දැන් අහවර වෙලා, අපි වයසට ගිහින් දැන් පරම්පරාව මාර ඇඩ්වාන්ස් වෙලානේ කියලා මට දැනෙන්න ගත්තේ දෙවෙනි ඉනිම නාට්‍යයේ කොටස් එහෙන් මෙහෙන් ටි වී එකේ දකින්න ලැබෙනකොට… ඒ හින්දා මමත් බැලුවා… මොකක්ද මේ ඉස්කෝලේ යන ළමයි ඉන්න නාට්‍යය කියලා… මට ඒකේ ඉන්න කෙල්ලෝ ටික දැක්කම මතක් වුණේම අපි ඉස්සර ඉඉස්කෝලේ ගිය විදිය… ඒ අතින් අපි මොනතරම් ගොන් ගස් ද කියලා වෙලාවකට හිතෙනවා… හැබැයි අපිට ඒ ළමයින්ට වගේ ප්‍රශ්න තිබ්බේ නෑ…

ඉස්සරයි අදයි සන්සන්ඳනය කිරීමක් නෙවෙයි… ඒත් ඉස්සර අපිට තිබුණේ හරිම සරළ ජිවිත…

රන්මිණි තැන්න ටෙලි සිනමා ගම්මානයේ සභාපතිත්වය ඩයනා ගමගේ මහත්මිය වෙත පරිනමා ඇති බව වාර්තාවේ. මෙකී පත් කිරීම මුදල් හා ජනමාධ්‍ය අමාත්‍ය මංගල සමරවීර මහතා විසින් සිදුකොට ඇත.

තොරතුරු දැනගැනීමේ අයිතිය පොදු ජනතාවගේ අයිතියකි. එහෙත් තොරතුරු දැනගැනීමේ අයිතිය නීතිගත කරන්නට මූලික වූයේ ජනමාධ්‍ය සමාජයයි. එනිසා බොහෝ දෙනා සිතුවේ මෙම නීතිය ගෙනඑන්නේ ජනමාධ්‍යවේදීන්ගේ ප‍්‍රයෝජනයට යැයි කියාය. එහෙත් සාධනීය ලෙස මේ වනවිට එයින් වැඩි පල නෙළාගනිමින් සිටින්නෝ ජනමාධ්‍යවේදීන්ට වඩා පොදු ජනතාවය. කොමිසම හමුවට ඉදිරිපත්ව ඇති අභියාචනා ඊට සාක්ෂි දරයි. එයින් සාතිශය බහුතරයක් ඉදිරිපත් කරනු ලැබ ඇත්තේ සාමාන්‍ය ජනතාව විසිනි. එසේ බලද්දී සෙමින් සෙමින් වුවද රටක් හැටියට අප තොරතුරු සංස්කෘතියක් කරා පියනඟමින් සිටීම සන්තුෂ්ටියට කරුණකි.