අදින් ගෙවී යන 2016 වර්ෂයේ ආරම්භය විදෙස් මාධ්‍යවලට වාර්තා කිරීමට සිදුවූයේ ඩුබායිහි ‘දි ඇඩ්‍රස්’ නම් උස් ගොඩනැගිල්ලේ ඇති වූ දරුණු ගින්නත් සමඟය. මේ වසරේ අවසානයට දින කිහිපයක් තිබියදී යළිත් විදෙස් මාධ්‍යවලට වාර්තා කිරීමට සිදුවූයේ දැවැන්ත ඛේදවාචකයකි. ඒ, රුසියානු හමුදා භට පිරිසක්, එරට මුල්පෙළේ වාද්‍ය වෘන්දයක් හා මාධ්‍යවේදීන් පිරිසක් සමඟ සිරියාව බලා පියාසර කරමින් තිබූ රුසියානු ගුවන් යානයක් කළු මුහුදට ඉහළ අහසේදී අනතුරට පත්වීමය.

ඈතින් ඇසෙන මා ඔයේ ඝොෂාවට කන්දීගෙන රාස්සගල දෙස බලා සිටි අයිවන් දිගු සුසුමක් වා තලයට මුදා හැරියේය.රාස්සගලින් ඇරඹී ඝොෂා නගමින් ඇදී එන මා ඔය අසුපිනි ඇල්ල පාමුලදී දිගු නිහැඬියාවකට පත්වෙමින් හොරේවල දෙසට ඇදී යන්නේ බර කල්පනාවකිනි.මහා කන්දකට මුවා වුනු ඉර ගුරු පාට අවු රැල්ලක් මුදා හැරියේය.මානා පඳුරු අතරින් නැගී සිටි බිනර කැකුළක් අයිවන් දෙස බලා කොමළ හිනාවක් පායි.

බැලු බැලූ අත කඳු ගැට රාශියක තැනින් තැන් දුඹුරු පැහැයෙන් හා කහ පැහැයෙන් දිලෙන බිම් තීරු ඈතට පෙනෙන්නේ අලංකාර සිත්තමක් පරිද්දෙනි..එතෙක් අල, බතල, වැටකොලු ආදියෙන් සක්‍රීකව පැවති කුඩා හේන් ඉඩම් මුළුමනින්ම පාහේ හිරු එළියට නිරාවරණය වී ඇත්තේ තම දුඹුරු පැහැති බටවල් නග්න කරමින් ය..ඒ 1960 වසරයි..පෙරළියක අවසානයේ රාජ්‍ය භාෂාව ලෙස සිංහලය පත් ව තිබූ අතර ජනපාදවාසීන්ට ඉතා වාසිදායක අන්දමින් වැඩ කටයුතු සිදුවිය..වසර කිහිපයකට පෙර පිහිටුවා තිබූ තේ පාලන දෙපාර්තමේන්තුව මේ කුඩා හේන් හිමියන්ට තේ වැවීමේ කටයුතු සඳහා අත හිත දීමට ඉදිරිපත් වී සිටියි..

"නැව් සුක්කානමක" හැඩය ගත් සලකුණක් සහිත සපත්තු විකිණූ වෙළඳසැලක් වැටළූ චීවරධාරීන් කිහිපදෙනෙකු උක්ත සලකුණ බුදු දහමෙහි කියැවෙන ධර්මචක්‍රය බව පවසමින් පිස්සු කෙලින වීඩියෝවක් අන්තර්ජාලයේ වෛරල් වෙමින් පවතී. සියල්ල අතහැර පැවිදි වුවද සියල්ල බදාගන්නා පැවිද්දන් ගැන කතාකිරීම අනවශ්‍යය. ඔවුන් පිළිබඳව නීතිය ක්‍රියාත්මක කිරීම රජයේ වගකීමකි. එසේ නොවුනහොත් පසුගිය රජය සමයේ මෙන් චීවරධාරීන්ගේ පිස්සුව උත්සන්න වීමට ඉඩ ඇති අතර ඒ හේතුවෙන් පාලකයන්ට මෙන්ම රටටද බොහේ දේ අහිමි විය හැකිය. 

මිහිරි නාදයක් නංවන නිවසේ ඉදිරිපස දොරේ සීනුව මිනිත්තු කිහිපයක් එක දිගටම හඬවාගෙන සිටින්නේ කව්දැයි කියා බැලීමට ඩොරති නෝනා සාලයේ පැති ජනේලයෙන් එබී බැලුවා. දොරකඩ සිටගන සිටියේ විනෝදකාමී පෙනුමක් ඇති තරුණයෙක්. සීනුවේ වෙනස්ම තාලයේ මිහිරි හඩට වශීවූවා සේ විනෝදකාමී තරුණයා ඩොරති නෝනා දෙසබලාගෙනම නැවත වරක් සීනුව තද කලා. 

මම ජාතිවාදියෙක් නොවෙමි. අන්තවාදී ආගමික නැඹුරුවක් ඇති අය ජාතිවාදය වපුරුවන බවටත් අන්තවාදී නොවන්නන් ජාතිවාදීන් නොවන බවටත් හොඳම උදාහරණය ඇත්තේ ගාල්ලේ කොන්වන්ට් එකේය. අප පාසල් යන මුල් කාලයේ මා කෙල්ලන් දැක ඇතත් පාසල් ගවුමට යටින් කලිසම් ඇඳ ගත්තු හා හිසේ අඩක් තවත් රෙද්දකින් වසාගත් කෙල්ලන් පාසල් යනවා දැක්කේ නැත. නමුත් මා පාසලෙන් ඉවත් වීමට ආසන්නවන කාලයේ ඇතැම් බාලිකා පාසල්වල රෙද්ද අස්සේ මහත්වරු වැනි හිස පොරවාගත් කෙල්ලන් දකින්නට ලැබිණි. නමුත් ගාල්ලේ කොන්වන්ට් එක හෙවත් ශ්‍රී හෘදය කන්‍යාරාමයේ අදට ද එවැනි ගැහැනු දරුවන් දක්නට නැත.