මිහිරි නාදයක් නංවන නිවසේ ඉදිරිපස දොරේ සීනුව මිනිත්තු කිහිපයක් එක දිගටම හඬවාගෙන සිටින්නේ කව්දැයි කියා බැලීමට ඩොරති නෝනා සාලයේ පැති ජනේලයෙන් එබී බැලුවා. දොරකඩ සිටගන සිටියේ විනෝදකාමී පෙනුමක් ඇති තරුණයෙක්. සීනුවේ වෙනස්ම තාලයේ මිහිරි හඩට වශීවූවා සේ විනෝදකාමී තරුණයා ඩොරති නෝනා දෙසබලාගෙනම නැවත වරක් සීනුව තද කලා. 

මම ජාතිවාදියෙක් නොවෙමි. අන්තවාදී ආගමික නැඹුරුවක් ඇති අය ජාතිවාදය වපුරුවන බවටත් අන්තවාදී නොවන්නන් ජාතිවාදීන් නොවන බවටත් හොඳම උදාහරණය ඇත්තේ ගාල්ලේ කොන්වන්ට් එකේය. අප පාසල් යන මුල් කාලයේ මා කෙල්ලන් දැක ඇතත් පාසල් ගවුමට යටින් කලිසම් ඇඳ ගත්තු හා හිසේ අඩක් තවත් රෙද්දකින් වසාගත් කෙල්ලන් පාසල් යනවා දැක්කේ නැත. නමුත් මා පාසලෙන් ඉවත් වීමට ආසන්නවන කාලයේ ඇතැම් බාලිකා පාසල්වල රෙද්ද අස්සේ මහත්වරු වැනි හිස පොරවාගත් කෙල්ලන් දකින්නට ලැබිණි. නමුත් ගාල්ලේ කොන්වන්ට් එක හෙවත් ශ්‍රී හෘදය කන්‍යාරාමයේ අදට ද එවැනි ගැහැනු දරුවන් දක්නට නැත. 

ළා දම් පැහැති බතල දළුවක දැවටි පිණි බිඳුවක් හිරු රැසින් රන් පැහැය උරා ගනී....හිමිදිරියේම තකහනියක් ගමන් ඇරඹූ ගොලුබෙල්ලා පඳුරු අතරින් ඇදී යන්නේ බර කල්පනාවකය...වනස්පතීන් ලැගුම් ගත් මහ වනන්තරය එළි පෙහෙළි කර හිරු එළියට නිරුවත් කළ මිනිසුන් වැට කොටු ගසා බෙදාගත් ඉඩම් පිළිබඳ ඌට ගැටළුවක් ඇත්තා සේය..තමන් ළං කළ කෝටු කෑල්ලට ගොළුබෙල්ලා ගොඩ වූ පසුව ඌ ඈතට විසි කළ අයිවන් තම අතින්ම ඉන්දවූ බතල කරටි වලින් නැගි ළදළු අතගාමින් හීන් හිනාවක් නැංවූයේය..අක්කරයක් පමණ හොඳින් එළි පෙහෙළි කළ ඉඩමේ බතල" මයියොක්කා සහ දේසෙ අල එක යායට සිටුවා ඇත්තේ ශක්තිමත්ව තැනූ දඬු වැටකින් ආවරණය කරමිනි...මේ ඉඩම් හෙළි කිරීමට පෙර මෙය වල් ඌරන්ගේ රජදහනකි..දැනුදු රාත්‍රිය එළඹෙත්ම වල් ඌරන් රංචු පිටින් මේ පෙදෙසට ඇදී එති...නව ඉඩමේ පදිංචි වී සතියක් පමණ යනතුරු ඌරන්ට බිය වූ සෝමා ගෙමිදුලෙන් එපිටට නොගිය ආකාරය අයිවන් සිහි කරන්නේ සිනහවකිනි...

ගුවන් ගමන් පිටත් වීම් සටහන් වන ඩිජිටල් පුවරුවේ සුදු පාටින් සටහන්ව තිබූ ' අවලංගුයි ' යන්න දෙස බලා සිටි ස්වේතා නැවතත් තමන්ගෙ අතේ වූ ගුවන් ප්‍රවේශ පතේ සදහන් ගුවන් යානා අංකය පරීක්ෂා කර බලා තහවුරු කර ගැනීම සඳහා නැවත වරක් ඩිජිටල් තිරය දෙසට දෑස් යැව්වා. නමුත් ඩිජිටල් තිරයේ නාම ලේඛනය ඒ වන විට වෙනස් වී ඇති බැවින් නැවත වරක් තම ගුවන් යානා අංකය දැක්වෙන තුරු ඇය තිරය දෙසම නෙත් යොමා ගෙන සිටියා. තත්පර කීපයකට පසු නැවතත් ' අවලංගුයි' යන්නම තිරය මත දිස් වුනා. 

ඒ අසහාය නායකයා වූ සමාජවාදී කඳවුරු එකිනෙක බිද වැටෙද්දී වුව රතු ධජය තම අත්ලෙන් නොහල එය කිසිදු කොන්දේසියකට යටත් නොකොට සුරැකිව තබාගත් විප්ලවීය නායක ෆිදෙස් කස්ත්‍රෝ 2017 අප්‍රේල් මස 16-19 වැනි දින තෙක් පැවැති කියුබානු කොමියුනිස්ට් පක්ෂයේ 7 වැනි සමුළුව අමතා මෙසේ තම අදහස් දැක්වීම සිදුකළේය.  

නුවර පාරක් පාරක් ගානේ . කාස්ටක අව්ව....හෝන් සද්ද...කුනු වෙච්ච මස් කෑල්ලකට නිල මැස්සො වහනව වගේ , ශ්‍රියානි.මච් මෝ..පැෂන් බග් වල මිනිස්සු,පෝලිම් ගනං...මේ තෑගි දෙන මාසෙ හින්දද මන්දා ගුණ්සේනෙත් මිනිස්සු වැහි වැහලා..ලොකු ,පොඩි ,පොශ්, දෙපොශ්...දුප්පත් ,පෝසත් හැමෝම සතුට හොයාගෙන නගරයට එකතු වෙනව.සමහර මිනුස්සු බල්ලො මරල හරි සල්ලි හොයනකොට තවත් සම හරක්...තියන සබ්බ සකලමනාවම කඩවල් වලට පූජා කරලා සතුට හොයනව...වරදක් කියන්නත් බෑ..මිනිස්සු සතුට කියල අඳුරගෙන තියෙන්නෙ කොයි වගේ භාවමය බාවයක්ද කියන අවුල වෙලාවකට මට එනව.