editor

editor

වයඹ පළාත් සභාව නියෝජනය කරන මන්ත්‍රීවරයෙකු වන සුමිත් රාජපක්ෂ විසින් ඊයේ ( 7) රාත්‍රී සිදුකළ පහර දීමක් හේතුවෙන් හමුදා නිලධාරියෙකුගේ දෙපා දැඩි හානියට ලක්ව මේ වනවිට කුරුණෑගල රෝහලෙහි ප්‍රතිකාර ලබමින් සිටින බව වාර්තාවේ.

ගස් වල පහල අතුවල එල්ලෙන වඩු කුරුළු කූඩු කෝන් ගමට පණිවිඩයක් ගේනවා. මෙදා පාර වැස්ස අඩුපාඩුයි කියල වඩුකුරුල්ලො කෝන්ගමට අනතුරු අගවනවා.

සිරිපාල මාමා තමයි අපේ කෝන්ගමේ ගමරාල. වැව් ඉස්මත්තෙ මහ තිඹිරි ගහේ රතුරෙදි කඩක් බැදල, වන අතු එල්ලලා උන්දැ වැසි වස්සන්න කියල හිගුරකබණ්ඩාර දෙයියොන්ට භාරයක් වෙනවා.උන්දැ තමයි රජරට අපේ දෙයිහාදුරුවන් වහන්සේ , වැව් වලට අරක් ගත්තු උත්ත්මයන්වහන්සේ.

ගිය අවුරුද්දෙ වැහැපු වැස්ස වැව් කණ්ඩියට දරාගන්න බැරිවෙන්න ඉස්සොරෝම විදානෙ මාමයි,අප්පච්චිලයි එකතුවෙලා බැම්ම කපලා වතුර පිටාර යැව්වුවා. ඒ වතුර ජාලාව ගමේ ගොඩක් මිනිස්සුන්ගෙ කුඹුරු අස්වනු සූරගෙන අරන්ගියා. රත්නපාලලෑ කුඹුරු අස්වැන්නත් ඒකට අහුවුනා. විදානෙ මාමලෑ කුඹුරටයි ආරච්චි මහත්තයලෑ කුඹුරටයි එපිටහින් තියෙන නිසා අපේ කුඹුර බේරුනේ කියලා රත්නපාලලෑ අප්පච්චි කිව්ව බව රත්නපාල මට කිව්වා. ආරච්චි මහත්තයා හරියටම උන්දැගෙ කුඹුරු බේරලා වැව් කන්ඩිය කපන්න ඕන තැන සලකුණු කලා කියලා රත්නපාලලෑ අම්මයි ගමේ ගෑනුයි ආරච්චි මහත්තයට දෙස්දෙවොල් සුලගෙ පා කෙරුවලු.

ලංකාවේ ගීත සාහිත්‍යය පවතින ස්ථානය සම්බන්ධයෙන් ඔබගේ අදහස මොන වගේද ?

ගීතය කියන්නෙ මිනිසුන්ගෙ අධ්‍යාත්මය අවදි කරන ප්‍රකාශනයක් කියලයි මම විශ්වාස කරන්නෙ , වර්ථමානයේ ඒ ප්‍රකාශනයේ භාවිතය පිළිබද ගැටලු තියෙනවා , කොටින්ම සතුටු වෙන්න නොහැකි ආකාරයෙන් මූල්‍යමය පරමාර්ථ සදහා ගීතය යොදවාගනිම් දක්නට ලැබෙනව. අද මාධ්‍ය අවකාශය තුළ එවැනි ගීත බහුලව ප්‍රචාරය වෙන්න පටන් අරන් ,
මිනිස්සුන්ට අද ඇහෙන්නෙ ඒ ගීත. ඒ ඇහෙන ගීත තුළ අලුත් පරම්පරාවේ බහුතරයක් සිය රසවින්දන පරාසය හදාගෙන. ඒක හරි පටු සහ මොට වින්දන පරාසයක්, ඒ ගැන හිතද්දී නම් අපේ ගීතයේ අද දවස ගැන තියෙන්නෙ කනගාටුදායක හැගීමක්.
හැබැයි අනාගතයට යහපත් දේ පමණක් ඉතුරු වෙයි කියල විශ්වාසය තියෙනවා .